Здесь и сейчас

Всего статей в разделе: 36
10.02.2021
Просмотров: 54

Қордың қамқоршылық кеңесінің мүшесі

Toregeldy Sharmanov

10.02.2021

Мінекей, қорымыздың Қамқоршылық кеңесінің мүшесі – Мұрат Әуезов жайлы айтудың кезегі келіп отыр.

Мәкең арамыздағы кішіпейіл, мәдениетті адам. Дипломаттық қызмет атқарғаннан соң, оның істі жүргізуі, түйткіл мәселелерді шешуі, заңға ширақтығы мықты. Еліміздің әдебиеті мен мәдениетіне елеулі үлес қосып келе жатқан тұлға.

Біз Мәкеңмен бірге «Үндемей отыра алмаймыз» деген ұранмен «Азамат» қозғалысын ұйымдастырған болатынбыз. Сенімді досым, замандасым. Оның Времен связующая нить, Иппокрен, Уйти, чтобы вернуть еңбектері лайықты бағасын алды. Бірнеше жыл Қазақстанның Қытайдағы елшілігінде айтарлықтай жұмыс атқарды.

«Жас тұлпар» бейресми жастар қозғалысын ұйымдастырушылардың басында тұрған және «Невада-Семей» қоғамдық қозғалысын басқарушылардың бірі – осы Мәкең.

Ұлы Жібек Жолын зерттеу мен дамытуға қосқан үлесі үшін ЮНЕСКО-ның қола медалімен марапатталды. Бүгінде Мұхтар Әуезов атындағы Халықаралық қорды басқарады.

Мәкең халықпен етене жақын. Алдағы бірлесе атқаратын жұмыстың оң бағытта болуына, елге пайдасы зор жобалардың құрылуына Мәкеңнің біліктілігі, тәжірибесі керек-ақ.